--------------------------------------------------------------------------------
--------------------------------------------------------------------------------
--------------------------------------------------------------------------------
البداية مع التفتيش
ليش حاطه الألوان لي في شعرك ؟؟ والله يا ابله طفشت
من الالوان اللي حطينها وابي اعيش حياتي
ليش مريولك موديله كنه فستان سهره ؟ أبله هذا ستايلي
هذي اخر موضه ..
ليش حاطة عدسات ؟ أبلة عيوني هذي .. امي اوروبية
ابله بجربهم.
ليش كل هذا الكحل ؟ أبلة عيوني كحلية طبيعيا .. . :
ليش المناكير ؟ أبلة هذي حنة سودانيه مو مناكير . :
ليش ما ترددين تحية العلم ؟ أبلة بلاعيمي تعورني .>>او
ابله مليت كل يوم نقوله والله حفظته ههههه ومن الجهة
الثانية صوتها ويا سوالفها واصل لآخر صف ..
ليش تسولفين بدل ما تستفيدي من الإذاعة ؟ أبلة مو انا
بس كل الصف ..بعدين الإذاعة مكررة هي وفقرة هل تعلم
السخيفة "حاشا القرآن "
ويا ابله لي كم ساعه ماشفتهم
ليش كل هذا المكياج ؟ أبلة امس كان عرس ولد عمي
للفجر . ومالقيت وقت عشان أشيله ....!!
طبعا في بنت رقيقة تصيح وفي بنت دفشة بكرة تجيب
القبيلة كلها تشتكي او تلا قينها تهاوش وعامله القصه
روايه .هههههههههههههه
وما ننسى حركة التنقلات المستمرة .. مثلاً فلانه الدبة لما
كانت بالثانوية كل يوم تتنقل طابور غير حتى يمكن طابورها
ما تدلة., وكل يوم طابور جديد
نمر للبنات اللي مبققات عيونهم على المعلمات !! ..
وين أبله قود مورنك ؟هذي واقفة جنب العمود أكيد غايبة
اوكي الحصة الأولى فاضيين . يا سلااااااام
وين أبله"اسحاق نيوتن" ؟ هذي عندها مناعة طبيعية
ماتمرض عشان تغيب هي و ربيعتها نو بودي...
وين أبله نكد؟ اوف بعد مب غايبه .. لا وتشوف علي بعد
شافها ملك الموت " عزرائيل " اليوم قولو آمين
شوفوا معلمة نجاة تنورتها تحفة .. خيالية.. آخر
موضة .....من وين اشترتها ؟
وين ابله محقق كونان .......... هذي اللي عندها كل شي
مثل التحقيق حليتي الواجب
ليش ؟؟ وش وراك ؟؟ وش كنتي تسوين ؟؟ وين رحتي
عاد معلمة دراكولا مشترية الدمعة بدل أرنوبها القديم وتتكلم
مع زوجها في الطابور لتضمن أكبر عدد من الناس
شافوها ..تنزل اعلان بالجريدة يكون أحسن .
والمديره اسد الغابه
والحين قبل لا نخلص نشوف سوالف الدلوعات : أمس رحت
عرس جيراننا لبست فستاني الجديد الكشخة التركواز
والاكسسوارات اللي توني مشتريتهم من كليرز وصندل
فرساتشي اللي اشترالي إياه أخوي من لندن وكل الناس
تشوفني كاني أنا العروسة<<<معقوله>>>
تدرين مع من سولفت أمس بالشات ؟ مع لبناني وحاط
صورته يمة يذوب ... شعر اشقر و عيون خضرا وتعرفين
اتعرفت علي واحد فله كلامه عسل
شفت فلانة امس فاتحة شعرها والكشه مغطيه خشتها
ولا شفتي فستانها ووااو روعه
بس عليها غرور ربي لا يوريك
ولا علانة اللي كانت عايشة في ماليزيا اليوم جاية بقميص
صوف والحراره 40 درجة غبية وحدة . << مايسوى على البنت
ولا مجموعة شغالات الصف " هذيلا اللي يلمون الدفاتر و
يجيبون المسجل أو اللوحة للأبلة " الصباح لقيتهم ينظفون
السبورة .. والله ينرحمون .
و في النهاية تجي معلمة و تقول مافي قلم : وين انتوا في
سوق سمك ؟ ويقومون البنات ويضحكون على اي شئ
كانهم خبايل
هههههههههههههههههههههههههههههههههه
وفي الحصه
ابله امسح لك السبوره ؟؟
االأبله لا مشكوره
البنت حرام يا ابله تتعبين ايدك وانا موجوده ابله الله يخليك
انا بمسح لك السبوره
عاد تعرفون حجة البليد مسح السبوره لأنها ماحلت
الواجب ؛؛؛؛؛؛؛؛؛؛؛؛؛؛؛؛؛؛؛
اتمنى عجبتكم السواليف
الخميس مارس 06, 2008 1:35 pm