حبيت اخذ رايكم بموضوع وهو,,,,
ام خالد: ياولدي ياخالد ليش ماتتزوج بكرا بموت وانا ماشفت عيالك((وقامت تقوله من هالكلام المؤثر))
خالد: يا يمه انتي عارفه اني معااااارض فكرة الزواج وماااا ابي العرس ابد
ام خالد: ياوليدي عمرك صك الثلاثين وانا ودي افرح بك واشوفك ابو واشوف عيالك وعيال عيالك...
,,,,,(( خالد من بعد ماتعب من زنة امه فوق راسه ومن كلامها المؤثر))
خالد: خلاص يمه بتزوج وامري لله بس اذا لقيتي بنت الحلال ذيك الحزه ناديني
ام خالد: موووجوووده العرووس موووجوووده
خالد: ومنهي سعيدة الحظ هذي؟
ام خالد: ساره بنت الفلااان عرفتهم اللي ابوها فلان
خالد: ايه عرفتهم ياحليلهم والله انهم ناس اجواد وطيبيبن وماعليهم كلام ... بس يمه قوليلي البنت حلوه؟
ام خالد: ايه بسم الله عليها تقول للقمر قم واجلس مكانك وش طول وش جسم وش جمال وش شعر كلها على بعضها تجنن وفوق كل هذا اخلاق ومتعلمه وهالسنه اخر سنه لها
خالد: وبعد اخلاق ومتعلمه؟؟.... مشا الله الله يحرسها... بس وش تخصصها هي اللحين...؟
ام خالد: تخصصها احيـــاء وبتتخرج هالسنه
خالد: لا مشا الله من كلامك عنها يمه شكلها ماعليها قاصر بنتوكل على الله...
,,,,, فرحت ام خااالد لموافقة ولدها خالد عالزواج ودقت على ام العروس واتفقت معها على كل شي ... ,,, وجاااء وقت الشوفة الشرعيه,,, طلعت ساره العروس على خالد اللي من اول ماشافها صدق كلام امه كله واقتنع ان البنت ماعليها قاااصر انبهر خااالد من جمالها ورقتها وكل شي فيها وخجلها بعد,,, خالد من هاللحظه حس انه وده يتزوجها اليوم قبل بكره... مرت الايام وتمت الموافقه من الطرفين والكل فرح لهم,,, لكن!!!
ساره,,, دخلت على امها وابوها اللي كانو بالصاله يتقهوون العصر,,,
ساره: يمه انتي قايله لخالد واهله عن المرض اللي فيني ((مرض مستعصي بس مو مؤثر مثل السكر والضغط))
ام ياره: لا والله ماقلت لهم اصلا هم ماسألوني عن هالناحيه
ساره: ليش يممممه انا مابيهم ينخدعون فيني لازم خاااالد يعرف كل شي عني مو بس حسناتي وحتى عيوبي
ابو ساره: اي والله يا ام ساره ...بنتك ساره معها حق لازم خالد واهله يدرون عن هالنقطه اللي بساره,,,
,,,, بهالوقت,,,, خالد كان نااايم بالعسل وفرحته لموافقة سااااره ماتوسعه الدنيا بها وكااان من جد فرحااااان ووده العرس يكوووون اليوم قبل بكره,,, وفجأه رن التليفون ,,, لما شاف الرقم ابو ساره الغاليه فرح مره وانبسط انه ناسب هالعائله وبنتهم الرائعه,,,
خالد((بأبتسامه)): هلا وغلا عمي
ابو ساره: هلا وغلا والله بخالد شخبارك؟
خالد: الحمدلله انت شخبارك وشخبار الاهل كلهم؟
ابو ساره: يسلمون عليك بس ساوليدي ياخالد بغيتك بموضوع خلنا نتقابل...
خالد: من عيوني...
,,,,, حددو المكان وتقابلو ,,,
ابو ساره: اسمع ياولدي ياخالد انا عارف ان بنتي ساره اعجبتك وانت بعد اعجبتها وانكم اثنينكم ارتحتو لبعض ويمكن ياخالد ما يعجبك اللي بقوله اللحين بس لازم انت واهلك والعالم كله يعرف هالشي
خالد: وش السالفه ياعمي خرعتني؟
ابو ساره: ياخالد ساره بنتي موافقه عليك بس انها مو راضيه تتزوجك لين تعرف اللي فيها
خالد: وهي ايش اللي فيها؟
ابو ساره : والله ياخالد بنتي ساره تشكي من ...((مرض مستعصي سوى كان السكر او الضغط...)) بس انه حاليا ما يأثر عليها وتعيش طبيعيه بس يمكن يأثر عليها بعد عشر سنين او اكثر ...
,,,,,,,
الى الشباب/
اذاااا كنتووو بمووووقف خاااالد
وش شعوركم لحظتها؟؟
هل توافق وتتزوج هالبنت اللي ملكتك من اول نظره؟؟
ولا تتركها بسبب مرضها؟؟
الى البنات/
اذا كنتي بموقف ساره((بعيد الشر عنكم)) وش بتسوون؟
اتمنى تشاركوني الراي
الخميس مارس 06, 2008 2:52 pm